(இ - ள்.) மாகத்து மதியம் அன்ன - விசும்பின் கண்ணதாகிய பிறையை ஒத்த, வாள் நுதல்
மடந்தை தன்னை - ஒளி பொருந்திய நெற்றியையுடைய சுயம்பிரபையின் ஓவியத்தை,
ஆகத்துள் அடக்கி - தன் மார்பினுள் பொருந்த வைத்து, மன்னும் மணி நுதல்
அழகுநோக்கி - நிலைபெற்ற மணியாலியன்ற சுட்டியினையுடைய நுதலின் அழகைக் கூர்ந்து
பார்த்து, நாகத்தை நடுக்கும் அல்குல் - பாம்பின் படத்தை ஒத்த அல்குலையுடைய,
நங்கைதன் திறத்து - சுயம்பிரபை பொருளாக எழுந்த, காம வேகத்தை - காமநோயின்
கொடுமையை, வில்வலான் மெல்ல மெல்ல பெருக்கியிட்டான் - வில் வித்தையில் வல்லுநன்
ஆகிய திவிட்டன் படிப்படியாய் மிகும்படி செய்து கொண்டான், (எ - று.)

வில்வலான் - காமவேள் எனக்கொள்ளின், நோக்கி என்னும் எச்சத்தை நோக்க எனத்
திரித்துக்கொள்க. சுயம்பிரபையின் ஓவியத்தைத் தன் மார்போடே சேர்த்து, நுதலின்
அழகுநோக்கி நங்கை திறத்துத் தன்பால் எழுந்த காமவேகத்தை மிகுவித்தான் என்க.
 

     (இ - ள்.) யான் குழலை திருத்தி கோதை சூட்டுவன் - யான் நின் அழகிய கூந்தலை
நன்கு திருத்தி அதன்கண் பொருந்துமாறு மலர்மாலையும் புனைகுவன், மடந்தை - சுயம்
பிரபாய்!, குறிப்புண்டாயின் - அங்ஙனம் ஓர் எண்ணம் நினக்கும் உளதானால், மழலைவாய்
திறந்து ஓர் மாற்றம் அருளுக - மழலை மிழற்றுகின்ற நின் வாய் மலர்ந்து ஒரோவொரு
மொழி மாத்திரை இயம்புக!, என்னும் - என்று இரப்பான், அளியன் ஆவி - நின்னால்
புரந்தருளற் பாலனாகிய என்னுடைய உயிரைப் புரத்தலுமின்றி, நிழல் அவாம் பகழிபோலும்
நெடுங்கண் நோக்கு என்னும் - ஒளியை விரும்பும் அம்புபோன்ற நெடிய கண்களின்
பார்வை என்று அறியாதார் கூறுகின்ற, வெய்ய அழலினால் - கொடிய தீயினாலே,
அடுவதோ - தீய்த்துக் கொல்வதேயோ, அழகிது என்னும் - இச்செயல் மிக்க
அழகிதாயிருந்தது என்பான், (எ - று.)

அடுவதுதான் அழகோ எனினுமாம். யான் குழலைத் திருத்தி மாலை சூட்டுகேன்,
குறிப்புண்டாயின் ஒரு மாற்றம் அருளுக; பகழி போலும் கண்ணால் என்னை அடுவதோ !
என்றான் என்க.