| (இ - ள்.) மணவாய மல்லிகையின் மதுநனைந்து - மணங்கமழ்தரும் வாயினையுடைய
மல்லிலை மலர்க்கண்ணதாகிய தேனிற்றோய்ந்து, வண்கனிகள் மதர்ப்ப வீசி -
வளப்பமுடைய கனிகள் செழிப்பனவற்றின் மேலே வீசி, இணர்வாய வனமுல்லை இதழ்வாரி
- கொத்துக்களையுடைய காட்டுமுல்லை மலரின் இதழ்களை அள்ளிக்கொண்டு, இளந்திங்கள்
கதிர் காலூன்றி - இளமையுடைய பிறையினது ஒளியாகிய நிலவில் பொருந்தி, துணைவு ஆய
சுரும்பிரங்க - காதற்றுணைமையாகிய பெடைகளையுடையவாகிய வண்டுகள் பாட,
அரவிந்தவனத்து உதிர்ந்த - தாமரைக் காட்டில் உதிர்ந்த, துகளும் சீத்து - பூந்துகளையும்
வாரிக்கொண்டு, திணைவாய கருங்குவளை திளைத்து - நெய்தற்றிணையின் கண்ணவாகிய
நீலோற்பல மலர்களினூடே அளைந்து, அசைக்கும் - இயங்குகின்ற, தென்றலும் ஒன்று
உடைத்தே மாலை - தென்றல் என்னும் ஒரு பொருளையும் உடைத்தாயிருந்தது
இம்மாலைக்காலம், (எ - று.)
ஒன்று இன்னல்தரும் ஒரு பொருள். துணைவு - துணைமை; துணைமையுடையனவாகிய
சுரும்பு என்க. மதுவில் நனைந்து வீசி, இதழ்வாரிக் கதிர் காலூன்றி, சுரும்பிரங்கத் துகளும்
சீத்துத் திளைத்து, அசைக்கும் தென்றல் என்க.
|