:: TVU ::

பக்கம் : 68

விசய திவிட்டர்களது தோற்றத்தால் உலகம் எல்லா வகைச் சிறப்புக்களையும் இனிது பெற்று மிளிர்கின்றது. எங்கும் இன்பந்திகழ்கின்றது. விசய திவிட்டர்கள் தோளாண்மையிலே சிறந்து விளங்கு கின்றார்கள். பகைவர்களுடைய நாடுகளைக் கவர்ந்து அவர்களுடைய செல்வத்தைக் கைப்பற்றிக்கொள்ளுதலும் இவர்கட்கு அருமையான செயலன்று. இதனால் இவர்களுடைய பகைவர்களுடைய செல்வத்தை வெறுத்து நிற்கிறார்கள். இவர்களுடைய இளமைச் செவ்வி மங்கையர் களுடைய உள்ளத்திலே காமத்தீயை வளர்க்கக் கூடியதாக அமைந்து நிற்கின்றது. எரிவளைத்திடுதல் - தீச் சூழ்ந்து கொள்ளுதல்.
( 10 )
மைந்தர்கள் இருவரும் மங்கையர்கட்குத் தோன்றுதல்
80.	உயர்விளை கடற்கொடிப் ¹பவள மோட்டிய துவரிதழ் வாயவர் துளங்கு மேனியர் அவர்கட மருள்கொலோ வனங்க னாய்மலர் கவர்கணை கடைக்கணித் துருவு காட்டினார்.
(இ - ள்.) உவர்விளை - உவர்ப்பை யுண்டாக்குகின்ற கடல்கொடிப் பவளம் ஓட்டிய - கடலிலே தோன்றுகின்ற கொடிப்பவழங்களைத் தோற்கடித்த; துவர் இதழ் வாயவர் - சிவந்த இதழ்பொருந்திய வாயை உடையவர்கள்; துளங்கும் மேனியர் - விளங்குகிற உடலையுடையவர்களும் ஆகிய; அவர்கள் தம் மருள் கொலோ - அம்மகளிருடைய மருளே இவர்தம் வடிவமோ பிறிதோ அறிகின்றிலம்; அனங்கன் - காமனுடைய; ஆய்மலர் கவர்கணை கடைக்கணித்து - அழகிய மலரினாலாகிய உள்ளத்தைக் கவரும் கணைகளைத் தம் கடைக்கண் பார்வையிலே காட்டி; உருவு காட்டினார் - மேலும், அம்மகளிர்க்குத் தங்களுடைய வடிவத்திலே, அக்காமன் இழந்த வடிவத்தையும் காட்டா நின்றனர். (எ - று.) உவர் - உப்பு, கடல், வெறுப்பு. உப்பையுண்டாக்குகின்ற கடல் எனினுமாம். பவளம் ஒட்டிய துவர் இதழ்வாயவர் - இதழ்களின் செந்நிறத்தால் பவழத்தைத் தோற்கடித்துக் கடலுக்கு ஓடச்செய்த மங்கையர். அம்மங்கையர் விசய திவிட்டர்களைக் கண்ணாற் கண்டு மகிழவேண்டும் என்று எண்ணி நிற்கின்றனர். அப்போது தெருவிற் செல்லும் விசய திவிட்டர்கள் அம்மங்கையர்களைக் கடைக் கண்ணாற் பார்த்துக்கொண்டு செல்லுகின்றனர். கவர்கணை - வினைத்தொகை.


(பாடம்) 1. பவழம் ஓட்டிய.