| வலப்புறத்தே திரிந்து சுழலுமாறும் கொளுவி, அந்தணனும் - வேள்வியாசானும், அங்கு
அழல் அமைத்து வேட்டான் - அவ்விடத்தே தீயோம்பி வேள்வி செய்தான், மைந்தனும் -
திவிட்டநம்பியும், மடந்தையை - சுயம்பிரபையை, தன் மனத்தின் - தன் மனத்தினுள்ளே,
மிக வேட்டான் - மிக விழைவானாயினன், (எ - று.)
கந்துள் - கரிக்கட்டி. அந்தணனும் அங்கு அழல் அமைத்து வேட்டான், மைந்தனும் தன்
மனத்துள்ளே காதலமைத்து வேட்டான் என்க.
|
| (இ - ள்.) பொங்கு அழல் செய் வேள்விமுறை போற்றலும் - மிக்கெழுதலையுடைய
தீயாற் செய்யும் வேள்விச் சடங்கனைத்தும் செய்துமுடித்தவுடன், எழுந்தான் -
மணத்தவிசினின்றும் எழுந்து, அணங்கின் அணிமெல்விரல் - சுயம்பிரபையின் மோதிரம்
அணிந்த மெல்லிய விரலை, அங்கையின் - தனது அழகிய கையாலே, பிடித்து -
பற்றிக்கொண்டு, மங்கையொடு - அச் சுயம்பிரபையோடே, காளை - அத்திவிட்டநம்பி,
வலனாக வருகின்றான் - வலஞ்சுற்றி வருகின்றவன், கங்கையொடு இயைந்து -
கங்கையாற்றோடு பொருந்தி, வரு கார்க்கடலோடு ஒத்தான் - புடைபெயர்ந்து வருகின்ற
கரியகடலை ஒத்து விளங்கினான், (எ - று.)
அங்கையின் அணங்கின் என்புழி, மாதங்கி என்னும் தெய்வம் உறையும் எனினுமாம்.
நங்கையின் மெல்விரலைத் தன் அங்கையாற்பற்றித் தீவலஞ் செய்வான், கங்கையொடு
புடைபெயரும் கார்க்கடலொத்தான், என்க.
|