பாவைக்கு - பாவைபோன்ற இவள் திறத்து, ஓர் ஆளே ஆகின்றேன் - ஒரு கணவன்
என்னும் மாத்திரையே ஆகின்றேன், ( )

நங்கை எனக்கு அமிர்தம் முதலிய எல்லாம் ஆக யானோ ஒரு கணவனே ஆகின்றேன்
என்றான் என்க. இஃது ஊடலுணர்த்தக் கூறியது என்க. அவளை இன்றியமைந்து
வாழமாட்டாத யானும், அவட்கு அமிர்த முதலியன போல்வே னாயின் அவள் என்னோடு
பேசுவாள் அன்றோ என்றவாறு.
 

     (இ - ள்) செம்பவழம் ஏய்ப்பத் திகழ்ந்து இலங்கு சீறடியின் - சிவந்த பவழம் போன்று
திகழ்ந்து விளங்கும் இவள் சிற்றடிகளின், வம்பு அழகு நோக்கி - பார்க்குந்தொறும் புதுமை
நல்கும் அழகினை மட்டுமே இடையறாது நோக்கி, வழிபடுவதே சாலும் - அவையிற்றை
வழிபடுதல் ஒன்றே எமக்குப் போதியதாகும், மேலும், அம்பவழவாயும் - அழகிய பவழத்தை
ஒத்த திருவாய் மலரின் அழகையும், அளகம் சேர் வாள் நுதலும் - கூந்தல் புரளும்
ஒளிமிக்க நெற்றியின் அழகையும், நுங்க - முழு முற்றும் நுகர்தற்கோ எனில், எம்பவமோ
எம்மை அறியேம் - எம்முடைய இம்மானிடப் பிறப்போ அதற்கேற்ற தவமுடைத்து
உடையதாகாமையின் யாம் எம்மை மதிக்கின்றேமில்லை, (எ - று.)

அவன் பேசாமையின், மேலும் கூறுவான் அடியின் அழகே நோக்கி நோக்கி இன்புற
எமக்குப் போதியதாம், அவளோடு அளவளாவுதற்கு யாம் தவம் உடையேம் அல்லேம்
என்றான் என்க. இத்தகைய மொழியையே “பன்மாயக் கள்வன் பணிமொழிÓ என்று குறளுட்
கூறியதென்க.
 

     (பாடம்) 1. எம்பரவ மோந்து நுகரயா. 2. மேலிருந். 3. நுண். 4. நேரவியேல்.