(இ - ள்.) விஞ்சையர் உலகம் எல்லாம் வெய்துற - விச்சாதரருலகமெங்கும்
அஞ்சும்படி, விரிந்த மாற்றம் - பரவிய இச்செய்தியை, எஞ்சல் இல் புகழினானுக்கு -
குறைதலில்லாத புகழுடைய அச்சுவகண்டனுக்குக் கூற, அமைச்சு அரிமஞ்சு என்பான் -
அமைச்சுத்தொழில் பூண்ட அரிமஞ்சு என்பவன், அஞ்சினன் - அஞ்சியவனாய், சின்னாள்
மறைத்து - சிலநாள்வரை மறைத்து வைத்துப் பின்னர், வஞ்சனைச் சீயம் ஆய
வார்கழலவனைக் கூவி - மாயச்சிங்கமாகிச் சென்றவனாகிய நீண்ட வீரக்கழலணிந்த
அரிகேதுவை அழைத்து, இன்னணம் இசைப்பித்தான் - இவ்வாறு அச்சுவகண்டனுக்கு
உரைக்கும்படி ஏவினான்,
(எ - று,)

வார்கழலவன் - அரிகேது. புகழினான் - அச்சுவகண்டன். விச்சாதரர் உலகமெல்லாம்
நடுங்குமாறு விரிந்த இச் செய்தியைச் சின்னாள் மறைத்துப் பின்னர், அரிமஞ்சு,
அரிகேதுவைக் கூவி, இவ்வாறு கூறுவித்தான், என்க.