(இ - ள்.) மன்னவன் - பயாபதி யரசனானவன்; துயில் விடுத்து அருள - உறக்கம்
நீங்கியருளவும்; பொன்துன்னிய உடையினர் - பொன்னால் வேலைப்பாடுகள் செய்யப்பெற்ற
உடுப்புக்களை யணிந்தவர்களும்; துதைந்த கச்சையர் - அழுத்தமாகக் கட்டப்பெற்ற
கச்சையை உடையவர்களும்; பின்னிய ஞாணினர் - பின்னப்பட்ட அரைஞாண்
அணிந்தவர்களும்; பிடித்த வில்லினர் - கையிலே பிடிக்கப்பெற்ற வில்லையுடையவர்களும்
ஆகிய; மைந்தர் - அரசனுடைய உடற்பாதுகாப்பாளர்கள்; அன்னவன் அடிமுதல் -
அரசனுடைய அடிகளினிடத்திலே நின்று; காவல் நண்ணினார் - காத்தல் தொழிலைச்
செய்யலானார்கள். (எ - று.)

     பயாபதி மன்னன் உறக்கம் நீங்கினான். மெய்காப்பாளர்கள் தங்கட்குரிய
உடுப்புக்களை உடுத்திக் கையில் வில்லைப் பிடித்தவர்களாய் அரசன் அண்மையில் நின்று
அரசனுக்கு எத்தகைய ஊறுபாடும் நேராதபடி பாதுகாக்கத் தொடங்கினார்கள். துயில்
விடுத்தருள - என்பதற்கு உறக்கத்தை யொழித்தருளும் அளவும் என்று பொருளுரைத்து,
அரசன் உறங்கியபோதும் மெய்காப்பாளர்கள் காவல் புரிந்ததாக உரை கூறினாரும் உளர்.

     (பாடம்) 1. கரவ. 2. சேந்தன. 3. செய்த நன். 4. முகத்தவர்.