(இ - ள்.) வாளினால் செருவுண்டேனும் - வாட்படையினாலே ஆற்றும் போர்
நிகழ்வதாயினும், மற்று மாயம் ஆகும் ஏனும் அஃதன்றி மாயத்தால் நிகழ்த்தும் போரே
ஆகும் எனினும், தோளினால் ஆகுமேனும் - தோள் ஆற்றலாலே நிகழ்த்தும் போரே
எனினும், சொல் எலாம் ஒழிக - அவைபற்றிப் பேசும் இவ்வீண் சொற்களை விடுக, மற்று
அக்காளை தன் உயிரினோடும் - இனி அத்திவிட்டனுடைய உயிருடனே, கன்னியைக்
கொணர்ந்து - சுயம்பிரபையையும் பற்றிக்கொண்டு வந்து, தாளிலே தந்து இட்ட பின்றை -
உன் அடிகளிலே காணிக்கையாக வைத்த பின்னர், நின் சீற்றம் தவிர்க என்றான் -
உன்னுடைய வெகுளி ஒழிக என்று இயம்பினான்,
(எ - று.)
மற்றெலாம் ஒழிக, காளையின் உயிரையும், கன்னியையும் உன் திருவடியிலே யான்
கொணர்ந்து இட்டபின்னர், உன் சீற்றம் விடுக என்றான், என்க.