(இ - ள்.) ஆய்ந்தவரோடு - இவ்வாறு ஆராய்ச்சி செய்த அமைச்சரோடே, போதந்து
- போய், ஆழியான் - அச்சுவகண்டன், அருவிக்குன்றில் - தனது அருவிபாயும் உத்தரசேடி
என்னும் மலையிடத்தே, காய்ந்து வந்து இறுத்தபின்னை - சினந்து மீண்டு வந்து தங்கிய
பின்னர், தென்மலையரசர் - தென்பால் உள்ள மலைகட்கு அரசராவோர், நமது கடிநகர்
தன்மேல் - நம்முடைய காவல் மிக்க நகரத்தின்மேல், சேந்து எரித்திடுதும் என்று - சினந்து
வந்து அதனைச் சுட்டெரிப்போம் என்று கூறி, சென்றார் - போயினார், மற்றொழிந்த
மன்னர் - அவரை ஒழிந்த ஏனைய அரசர்கள், ஆய்ந்து - தம்முள் ஆராய்ந்து,
வரவலித்திருந்தார் - நம்மேல் போர்க்கு வருதற்குத் துணிந்துள்ளார், என்றான் - என்று
ஒற்றன் உரைத்தான், (எ - று.)

இங்ஙனம், ஆராய்ச்சி செய்த பின்னர், நமது இரதநூபுரச் சக்கிரவாளத்தின்மேல் வந்து,
அதனை எரித்திடுதும் என்று தென்மலை மன்னர் சென்றனர், ஏனையோர், போதனத்திற்கு
வர எண்ணி யிருந்துளார், என்று ஒற்றன் உரைத்தான், என்க.