(இ - ள்.) போகிய தூதுவர் - போதன நகரத்தினின்றும் சென்ற தூதர்கள், பொன்
அவிர் ஆழியொடு ஏகிய நாள் உடையாற்கு - அழகு விரிகின்ற ஆழிப்படையையும்
கழிந்துலந்த அகவையையும் உடையவனாகிய அச்சுவகண்டனுக்கு, ஆகிய வாய்மொழி
இதுவாலென - சுரமை நாட்டரசன் அவையில் தமக்குக் கிடைத்த மொழி இஃது என்று,
கூறலும் ஆயிடை - அங்கு நிகழ்ந்தவற்றை ஒழிவின்றிக் கூறியவுடனே, எறி நச்சு நாகம்என
அழன்று நக்கான் - கொல்லும் நஞ்சினையுடைய பாம்புபோலச் சீறி நகைத்தான், (எ - று.)

இனி ஆழியோடு சேர்ந்து அகன்றுபோன அகவையுடையாற்கு எனலும் ஒன்று. தூதுவர்
போதனநகரத்தே கிடைத்த செய்தியைக் கூறலும் நாகம் போலே அச்சுவகண்டன் சீறினான்
என்க.