(இ - ள்.) விண்மிசை சென்றவர் மெலிவும் - வரைமேல வாய இரதநூபுரத்தின்
மேற்சென்ற மன்னர்கள் தோற்றதையும், வேற்றவர் மண்மிசை சென்றவர் மறிந்த மாற்றமும்
- பகைவர்களுடைய சுரமை நாட்டின்மேற் சென்ற மன்னர்கள் புறமிட்ட செய்தியும்,
புண்மிசை எஃகம் புக்கு ஒளிப்பபோல் - பழைய புண்ணின்கண் வேற்படை புகுந்து
ஒளித்தாற் போன்று, மனத்துண் மிசை ஒழி படை ஆகி ஊன்ற - நெஞ்சினுள்ளே புகுந்து
அதனை மேன்மேலும் அழிக்கும் கருவிகளாகித் தைக்க, (எ - று.)

ஒழிபடை : வினைத்தொகை. ஒழித்தல் - அழித்தல்.

திவிட்டன் படையோடே எதிர்த்தோரும், அருக்கனுக்கு ஆற்றாது உடைந்தனர் என்று
தூதன் கூறியபோதே, இதரநூபுரத்தும் நமர் உடைந்தனர் என்று ஒரு தூதன் வந்து
உணர்த்தினான்; அச்சுவகண்டன் புண்மிசை வேல்புக்காற் போன்று, மனம் உளைந்தான்
என்க.