இவ்வாறு கூறிய தம்பியரின் வீரமொழியாலே, ஆறுதலடைந்த அச்சுவகண்டன்,
தம்பியர்காள் ! நீவிர் மண்மிசை நம் பகைவரை வென்று, உங்கள் பெயரை
நிலைநிறுத்துங்கோள் என்றான் என்க.
 

     (இ - ள்.) மேல்வந்த வேற்படை - போர் மேற்கொண்டு வந்த விச்சாதரருடைய
வேலேந்திய படை, விண்ணினது அளவு - விசும்பு எத்துணை விரிவுடைத்து அத்துணை
விரிபுடையதாம், மாறு ஏற்ற வாள் படை - அப்படைக்கு எதிரூன்றிய மானிட வாள்வீரர்
படை, மண்ணினது அளவு - இம்மண்ணுலகம் எத்துணைப் பரப்புடைத்து அத்துணைப்
பரப்புடையதாம், கண்ணிய கடற்படை இரண்டு தம்மையும் - கருதப்பட்ட கடல்போன்ற
இவ்விரு படைகளையும், எண் இனி நமக்கு எளிதாவது இல்லை - இவ்வாறு கூறுவதன்றி
எண்ணல் அளவையுட் படுத்துக் கூறல் எமக்கு இனி எளிய செயலாகத் தோற்றிற்றில்லை,
(எ - று.)

அச்சுவகண்டன் படை விசும்பினளவிற்றென்றும், திவிட்டன் படை மண்ணுலகின்
அளவிற்றென்றும், கூறுதலின்றி அவற்றின் பெருக்கத்தை அளவைகளாற்
கூறவியலாதென்றபடி.