(இ - ள்.) குடைநில மறைப்பவும் - குடைகள் நிலத்தை மறைத்தலாலும், கொடிகள்
போர்ப்பவும் - கொடிகள் மறைத்தலாலும், இடைநிலம் இருண்மெழுக்கிட்டது -
அக்களத்தின் ஊடே இடையிட்ட நிலம் இருளால் மெழுகப்பட்டாற் போன்றிருண்டது; படை
நிலவு இலங்கவும் - போர்க்கருவிகளின் ஒளி திகழ்தலாலும், பணிகள் மின்னவும் -
அணிகலன்கள் மின்னுவதாலும், இடைநிலம் இடை இடை இலங்கித் தோன்றுமே -
அப்போர்க்களத்திடையே சிற்சில இடம் ஒளியாற்றிகழும்.

குடை முதலியவற்றால் அப்போர்க்களத்தே இருள் உண்டாயிற்று; போர்க்கருவி
முதலியவற்றால் ஒளியுமுடையதாயிற்று என்க.