பேசுபவர் ஆகார், என்றனன் - என்று சுவலனரதன் உரைத்தான், எனலும் -
உரைத்தவுடன், எதிர்தெழித்து - இவ்வுரைக்கு எதிராக உரப்பி, அவனும் எழுந்தனன் -
தூமகேதனனும் போர்க்கு எழுந்தான், இவனும் எழுந்தனன் - சுவலனரதனும் போர்க்கு
எழுந்தான், அன்று போர் மலைந்தார் - அற்றை நாள் இருபெருமறவரும் போர் ஆற்றினர்,
இவ்வுலகம் அதிர்ந்தது - இம்மண்ணுலகம் நடுங்கிற்று, அரசரும் அமர் ஒழிந்து நின்றார் -
அப்போர்க்களத்தே இடந்தொறும் போராற்றி நின்ற இரு திறத்து வேந்தரும் தத்தம்
போர்த்தொழிலை நிறுத்தி இவர் போரைப் பார்த்துக்கொண்டு நிற்பாராயினர், (எ - று.)

மீண்டும் சுவலனரதன், அடே தூமகேதனா! வீரரானவர் இவ்வாறு வாயைப் பிளந்துகொண்டு
தற்புகழ் பேசுவரோ என்று இகழ்ந்தானாக, தூமகேதனன், அவனை உரப்பியவனாய்ப் போர்
தொடங்க இவனும் தொடங்கினான்; அப்போது பூமி நடுங்கிற்று; போர்செய்த மற்றைய
அரசர் தம் போரை நிறுத்தி இவர்கள் போரைக் கண்டு வியந்து நிற்பாராயினர், என்க.
 

     (பாடம்) 1 சார்த்திரள்.