உடன்பாடு பெற்று உள்ளே செல்வேனாயின்; வேந்து காண்குறுவன் கொல்ஓ - அரசன்
என்னைக் காண்பானோ?; நீ இடை அறிசொல் - நீசென்று செவ்வியறிந்து வந்து தெரிந்து
சொல்வாயாக; என்று நெறியில்சொன்னான் - என்று முறைப்படி கூறினான். (எ - று.)

     “அறிவோர்க்கழகு கற்றுணர்ந்தடங்கல்“ ஆதலின் ‘அலகின் மெய்ந்நூ லளவு
சென்றடங்கி நின்றான்‘ என்றார். அளவும் என்னல் வேண்டிய முற்றும்மை செய்யுள்
விகாரத்தால் தொக்கது. செல்லுதல் அறிதல் என்னும் பொருளது. நிமித்திகன் என்னும்
வடசொல்லுக்குப் பொருள் குறிகாரன் என்பது. குறிகாரன் அரசர்கட்கு உறுதிச் சுற்றத்துள்
ஒருவனாவன். இங்கு வந்துள்ள குறிகாரனுடைய பெயர் அங்கதன் என்பது தூதுவிடு
சருக்கத்தால் பெறப்படும்.