(இ - ள்.) தான் உடம்பு இறந்ததன் பின்னும் - ஒருவன் தன்னுடல் நீத்திறந்த
பின்னரும், தன்திறல் - தனது ஆண்மை, வானுடன் புகழ்தர - தேவர் உலகத்தோடே
புகழையும் ஒருங்கே தந்து, நிற்கும் - என்றும் நிலைத்து நிற்பதாம், மண்மிசை மானுடர்
உயிர்கொள - நிலத்தில் வாழும் எளிய மனிதர்கள் உங்கள் உயிர்களைக் கொள்ளாநிற்ப;
மானமில்லிர்காள் - மானங்கெட்டவர்களே, ஊனுடம்பு இதன் பொருட்டு - அழிதன்
மாலைத்தாகிய ஊனாலாய இவ்வெளிய உடலை ஓம்பும்பொருட்டு, உடையல் வேண்டுமோ -
புறங்கொடுத்து ஓடவும் வேண்டுமோ, (எ - று.)

     அழிதன் மாலைத்தாகிய ஊனுடலைவிட்டும் நிலைத்து நிற்கும் புகழை ஓம்புதலே
மறவர்க்கு மாண்பாம். மானங்கெட்டவர்களே! கணப்போதிற்றானே மாய்ந்தழியும்
இவ்வூனுடம்பை ஓம்பவோ இங்ஙனம் உடைந்தோடுகின்றீர் என்றான் என்க.