(இ - ள்.) என்று அவன் இயம்பக் கேட்டு - மேற்கூறியவாறு அந்த நிமித்திகன்
சொல்லக் கேட்டு; இருந்தவர் வியந்து நோக்கி - அவையிலுள்ளோர் வியப்படைந்து
அரசனைப் பார்த்து; ஒன்றிய உலகம் எல்லாம் - பொருந்திய வுலகங்கள் எல்லாவற்றையும்;
ஒரு குடை நீழல் காக்கும் - ஒற்றைவெண் கொற்றக்குடையின் நிழலிலே பாதுகாக்கின்ற;
பொன்திகழ் அலங்கல் மார்ப - பொன்னாலாகி விளங்குகின்ற மாலைகளை யணிந்த
மார்பையுடையவனே!; சென்று உயர்திலகம் கண்ணி திவிட்டன் - மேலே சென்று சிறந்த
திலகம்போல் உயர்ந்த மாலையை அணிந்த திவிட்டன்; இத்திறத்தனே ஆம் - இவ்வாறு
சிறப்புப் பெறுதற்கு உரியவனேயாவன்; இது பொய் அன்று - நிமித்திகன் கூறியது மெய்யே;
போற்றி என்றார் - நிமித்திகன் மொழிகளை மதிப்பாயாக என்றார்கள். (எ-று.)

     இருந்தவர் - வேள்வியாசிரியர் அமைச்சர் முதலியோர். இவர்கள் குறிகாரன்
உரையை மதித்துப்பேசியது திவிட்டனுடைய நடையுடை பாவனை முதலியவைகளை நன்கு
உணர்த்திருந்தமையினாலே என்க. திறத்தனே - ஏ - தேற்றப்பொருளது. போற்றுதல் -
குறிக்கொள்ளுதல்.
 

     (பாடம்) 1. என்றவனுரைப்பக் கேட்டே. 2. திலதக்கண்ணி. 3. ஓடுநாழிகைக டோறும். 4. முரசமொன்றதிர்ந்த.