:: TVU ::

பக்கம் : 935

பேணுவ - தேவர்களால் போற்றப்படுவனவும் ஆகியவைகள், சுருங்கலில் - கெடாத, சுடர் ஒளி துளும்ப - சுடராலாய ஒளிதவழும்படி, தோன்றல்பால் - திவிட்டநம்பியினிடத்தே, அடைந்த என்பவே - தாமே வந்து எய்தின என்று அறிஞர்கள் கூறுப, (எ - று.) இவ்வாறு நம்பி அர சியற்றினனாக முன்னர் வந்தெய்திய அருங்கலம் போக எஞ்சியவைகளும் நம்பியை வந்தடைந்தன என்க.
(371)

திவிட்டனின் அரசியல் மாண்பு
1502.	சக்கரந் தண்டுவாள் சங்கு விற்குடை மிக்கெரி மணியிவை யெய்தி வீரியன் மக்களு ளரசர்கள் வணங்குந் தெய்வமாய்த் தொக்கெரி சுடரொளி துளும்பத் தோன்றினான்.
(இ - ள்.) சக்கரம் தண்டு வாள் சங்கு வில் குடை ஆழியும் தடியும் வாளும் சங்கும் வில்லும் குடையும், மிக்குஎரி மணி - மிகுந்து விளங்குகின்ற திருமணியும், இவை - ஆகிய இவையிற்றை எய்தப்பெற்று, வீரியன் - வீரமிக்க திவிட்ட நம்பி, மக்களுள் - மானிடர் உள்ளும், அரசர்கள் - மன்னர் ஆயவர், வணங்கும் தெய்வமாய் - வழிபடுகின்ற தெய்வமே ஆகி, எரிதொக்கு சுடர்ஒளி துளும்ப - ஒளிகள் திரண்டு சுடர்ந்து ஒளிர்ந்து தவழ, தோன்றினான் - விளங்கித் தோன்றாநின்றான், (எ - று.) சக்கரம் முதலிய அருங்கலங்கள் கைவரப்பெற்ற நம்பி, மக்களுள்ளும் மன்னரால் வணங்கப்படும் தெய்வமாய்ப் புகழுடனே திகழா நின்றான் என்க. “முறைசெய்து காப்பாற்றும் மன்னவன் மக்கட்கு இறை என்று வைக்கப் படும்“ என்றார் வள்ளுவரும் என்க.
(372)

சங்கநிதி பதுமநிதிகள் நிதி சொரிதல்
1503.	சென்றுயர் வலம்புரி செம்பொற் றாமரை என்றியல் ¹பெயரின விரண்டு மாநிதி ஒன்றல மணிகளு மொளிபொன் மாழையு நின்றிவை சொரிந்தொளி நிழற்று கின்றவே.


(பாடம்) 1 பெரியன.