(இ - ள்.) அருங்கலப் பெருந்தெய்வம் அவையும் - அருங் கலங்களாகிய சங்குசக்கர
முதலியனவும், தத்தமக்கு ஒருங்கு செய் வளநகர் அடைந்த - தத்தமக்குத் தனித்தனியாக
ஒரே இடத்தில் இயற்றப்பட்ட வளப்பமிக்க கோயில்களை எய்தின, ஒண்சிறை சுருங்கல்இல்
கருடற்கு - ஒளிமிக்க சிறகுகளுடனே ஆற்றல்குறைதலில்லாத கருடனுக்கும், சுடரும்
தோன்றலால் - திகழ்கின்ற திவிட்டநம்பியாலே, பெருங்கலி மாளிகை - பெரிய விழா
ஆரவாரத்தினையுடைய கோயில், பேணப்பட்டதே - எடுத்துப் போற்றப்பட்டது, (எ - று.)

     கலி - விழாவார வாரம் என்க.

     சங்கம் முதலிய அருங்கலங்கட்கும் ஓரிடத்தே தனித்தனி கோயில்
எடுக்கப்பட்டனவாகலின் அவை அக் கோயில்களை எய்தின : கருடற்கும் கோயில்
நம்பியால் எடுக்கப்பட்டதென்க.