:: TVU ::

பக்கம் : 942

(இ - ள்.) பிலங்களுள் உறைவன - அக்கோடிக்குன்றத்தின் குகைகளிலே வாழ்வனவாகிய, பெரிய நாகத்தின் - பெரிய பாம்புகளின், புலங்கெழு திரட்சிய புச்சம் - நிலத்திலே பொருந்திய பரியவால் (உடல்), தாழ்வன - தூங்குவன, அலங்கலான் - வெற்றி மாலையணிந்த திவிட்டன், அகழ்ந்து எடுத்திட - கீண்டு எடுத்தலாலே, எழுந்த அவ்விலங்கலின் - மேலெழாநின்ற அக் குன்றத்தினுடைய, விழுகதிர் வேர்கள் ஒத்தவே - வீழ்த்தப்பட்ட ஒளியுடைய வேர்களைப் போன்று தோன்றின, (எ - று.) நாகத்தின் புச்சம் தூங்குவன வேர்கள் ஒத்த என்க. புச்சம் - வால் - ஈண்டுப் பாம்பின் உடல், புலம் - நிலம். அலங்கலான் அகழ்ந்தெடுத்த அம் மலையின்கீழ் வாழும் பெரும் பாம்புகள் தொங்குவன அம்மலையின் பரிய வேர்களை ஒத்திருந்தன என்க.
(384)


1515.	குழுவிய குவளையங் குண்டு மாச்சுனை ஒழுகிய வருவிநீ ருக்கு வீழ்வன கழுமிய நிலம்விட வெடுப்ப¹க் கார்வரை அழுவதன் கண்ணுணீ ரழிவ தொத்ததே.
(இ - ள்.) குழுவிய - கூட்டமான, குவளை அங்குண்டு மாச்சுனை - நீலோற்பல மலர்களையுடைய அழகிய ஆழ்ந்த கரிய சுனைகள், ஒழுகிய அருவிநீர் - ஒழுகவிட்ட அருவியாகிய நீர், உக்கு வீழ்வன - சிந்தி விழுகின்ற தோற்றம், கழுமிய நிலம் விட - தான் பற்றிய நிலத்தினின்றும் அகலுமாறு, எடுப்ப - தன்னைப் பெயர்த்து எடுத்தலாலே, கார்வரை - அந்தக் கரிய மலை, அழுவதன் கண்ணுள் - அழுகின்ற தன் கண்ணகத்தே பெருகும், நீர் - கண்ணீர், அழிவது - சிந்துவதனை. ஒத்ததுஏ - ஒத்துத் தோன்றிற்று. (எ - று.) அம் மலையின்கண்ணுள்ள சுனைநீர், அதனைப் பெயர்க்கும் பொழுது வழிந்த தோற்றம், தன்னை அகழ்ந்த வருத்தத்தாலே அழுகின்ற அம் மலையின் கண்களினின்றும் நீர் ஒழுகுவதை ஒத்ததென்க.
(385)

1516.	தழுவிய தடவரைத் தாழ்வர் வாயெலாம் குழுமிய கொழுமுகில் வழுவி வீழ்வன செழுவரை செறியமுன் னுடுத்த செந்துகில் அழிவன வருகுவந் தசைந்த தொத்தவே.


(பாடம்) 1 வவ்வரை.