:: TVU ::

பக்கம் : 944

(இ - ள்.) பொரு மாலை வேல் அரசர் - போர் செய்யும் இயல்புடைய வேல்வேந்தர்கள், போற்றிசைப்ப - புகழ்ந்து வாழ்த்துக்கூற, பூவின் அருமா மழை - கற்பக மலராலாய பெறற்கரிய பெரிய மழையினை, அமரர் பெய்து - தேவர்கள் பொழிந்து, ஆர்ப்ப - ஆரவாரிப்ப, கரு மா நெடு வரை ஓர் கைத்தலத்தின் ஏந்தி - கரிய பெரிய நீளிதாய கோடிக் குன்றத்தைத் தன் ஒரு கையாலே ஏந்தியவனாய், திருமா மணிவண்ணன் - திருமகள் முயங்கும் சிறந்த நீலமணி நிறமுடையனாகிய திவிட்டன், செம்மாந்து நின்றான் - வீறுகொண்டு விளங்கினான் (எ - று.) மணிவண்ணனாகிய நம்பி, அரசர் போற்ற, அமரர் மலர் மாரி தூற்ற, கரிய அந் நெடுங்குன்றைத் தன்னொரு கைத்தலத்தே ஏந்தி, வீறுடன் நின்றான் என்க.
(388)


1519.	¹அடிமேற் பூங்கழல்க ளம்பொன் னிலங்கு ²முடிமேற் சூளா மணிமுளைத்த சோதி கடிமேல் விரிதாரோன் கைத்தலத்த தன்று படிமேன் மணியருவி பாரித்த குன்றம்.
(இ - ள்.) பூங்கழல்கள் - அழகிய வீரக்கழல் என்னும் அணிகள், அடிமேல் - திவிட்டநம்பியின் திருவடிமேல் திகழ்ந்தன, சூளாமணி - முடிமணிவடம், அம்பொன் இலங்கு முடிமேல் - அழகிய பொன்னாலாய விளங்கும் முடியணியின் மேல் மிளிர்ந்தது, முளைத்த சோதி கடிமேல் விரிதாரோன் - தோன்றா நின்ற ஒளிமிக்க மணியணிகளும், மணம்பரப்பும் மலர்ந்த மலர் மாலையும் உடைய திவிட்டனுடைய, கைத்தலத்தது - கையின் கண் இருந்து திகழா நிற்பது, அன்று - அற்றைநாள், படிமேன் மணி அருவி பாரித்த குன்றம் - பூமியின் மேலே மணிகளையும் அருவிநிரையும் பரப்பிய அக்கோடிக் குன்றமாம், (எ - று.) வீரக்கழல்கள் திருவடியின்கண்ணும் சூளாமணி முடியின் மிசையும் கிடந்து மிளிரும் நம்பியின் கைத்தலத்தே அற்றைநாள் அக்கோடிக்குன்றம் இருந்து திகழ்ந்ததென்க.
(389)

1520.	வரையெடுத்த மாணிக்க நீள்கடகக் கையால் உரையெடுப்பான் போனிமிர்ந்து நோக்காது நிற்ப விரையெடுத்த பூந்தார் விறல்வேந்த ரஞ்சிப் புரையெடுத்த மாமகரப் பொன்முடிகள் சாய்த்தார்.


(பாடம்) 1 அடிமேனற். 2 முடிமேனற்.