:: TVU ::

பக்கம் : 951

தோள்களையுடைய, மெல்லியலார் - மெல்லியன் மகளிர்கள், ஓடி - விரைந்து, மாபுரத்து மாளிகை தம் - பெரிய நகர்க்கண் அமைந்த தமது மாளிகையின், மணிக்கதவம் - மணிகள் அழுத்திய கதவுகளின், தாழ்திறந்து - தாழ்களை அகற்றித் திறந்து, மேலும், மனத்தின்றாழும் - தம் மனத்தின்கண் உள்ள நாணமாகிய தாழ்களையும், மெல்ல மெல்ல - பைப்பைய, திறந்தார் அன்றே - திறக்கலாயினர். அன்று, ஏ: அசைகள், (எ - று.) குளிர்நகரை என்புழிக் குளிர் - மகிழ்ச்சியைக் குறித்து நின்றது. குடையோன் செல்லும்பொழுது, மெல்லியலார் கலந்தொலிப்பச் சென்று ஓடி, மாளிகையின் மணிக்கதவம் தாழ்திறந்து, மனக்கதவின் நாண் என்னும் தாழும் மெல்ல மெல்லத் திறந்தார், என்க.
(399)

1530.	போர்மேக மன்னதிறற் பொருகளிற்று மேலரசர் போற்றுக் கூவச் சீர்மேக மெனச்செறிக ணிடிமுரசங் கடிததிர்ந்து திசைமே லார்ப்ப நீர்மேக முத்தினெடுந் தண்குடைக்கீழ் நிழற்றுளும்பு நேமி தாங்குங் கார்மேக வண்ண னிவன் வருவானைக் காண்மினே கண்க ளார.
(இ - ள்.) மேகம் அன்ன போர் திறல் பொரு களிற்று மேல் - முகில் போன்ற போர்த்தொழில் ஆற்றல் மிக்க போர் யானைகளின் எருத்தத்தே வீற்றிருந்து, அரசர் போற்றுக்கூவ - மன்னர்கள் வாழ்த்துக்கூற, சீர்மேகம் என - சிறந்த முகில் முழங்கினாற் போலே, செறிகண் இடிமுரசம் - செறிந்த கண்ணிடத்தே அறைதலையுடைய முரசம், கடிது அதிர்ந்து - பெரிதும் முழங்கி, திசைமேல் ஆர்ப்ப - திசைகளிடத்தே ஆரவாரிப்ப, நீர்மேக முத்தின் நெடுந்தண் குடைக்கீழ் - நீர் பொருந்திய மேகத்திலே விளைந்த முத்தினாலே புனையப்பட்ட நெடிய குளிர்ந்த திங்கட்குடையின் கீழே, நிழல் துளும்பும் நேமி தாங்கும் - ஒளி தவழ்கின்ற சக்கரப் படையை ஏந்துகின்ற, கார் மேக வண்ணன் - கரிய மேகவண்ணனாகிய திவிட்டன் என்னும், இவன் - இப்பெரியோன், வருவானை - வருகின்றவனை, கண்கள் ஆர - கட்பொறிகள் நனிபொருந்தி மகிழ, காண்மின் ஏ - காணுங்கோள், ஏ: அசை, (எ - று.) முகில் போன்ற களிற்றின் எருத்தத்தே யிருந்து, அரசர் போற்றுக்கூவ, முரசமார்ப்பத் தண்குடைக்கீழ், நேமி தாங்கும் கார்மேக வண்ணன் வருவானை, கண்களாரக் காணுங்கோள் என்றார் என்க.
(400)