ஒன் அரத்த நுண் கலிங்கம் ஒன்று சேர்த்தி - ஒள்ளிய குருதி வண்ணத்து நுணுகிய
தொழிற்றிறமமைந்த பட்டாடை ஒன்றனை இடையில் அசைத்து, மீதாடி வில் உமிழும் -
மேற்புறத்தே அசைந்தொளிரும், மிடைமணி ஒண் கலாபங்கள் - செறிந்த மணிகளானாய
ஒள்ளிய பதினாறு மணிக்கோவைகள், மிளிர வீக்கி - திகழும்படி கட்டி, இவர் - இங்ஙனம்
ஒப்பனை செய்த மகளிர், யாதானும் - தம் ஒப்பனைத் தொழில் ஒவ்வொன்றானும், இவள்
அல்குல் அகலாமை - இவளது அகலிதாய அல்குற்றடம் மேலும் அகன்றிடாதவாற்றை,
அறிந்து - ஆராய்ந்தறிந்தே, அடக்கம் செய்தார் - அடங்குதற்கேற்ற ஒப்பனையைச்
செய்தனர் போலும், (எ - று.)

     புரைவட்டம் - துகிலின் விளிம்பு; கரை.

     அடக்கம் - அடக்குதற்குரிய செய்ல, கலாபம் -பதினாறு கோவை மணி வடம்.
இதனைக் காஞ்சி என்றும் கூறுப.
    
     ஒப்பனை செய்தார், சேர்த்தி, வீக்கி அகலாமை அறிந்து - அடக்கம் செய்தார் என்க.