:: TVU ::

பக்கம் : 960

(இ - ள்.) செம்பொன் செய் பொடியினாலும் - செம்பொற் சுண்ணம் தூவலாலும், சிவிறியின் தாரையாலும் - நீர்த்துருத்தியாலே வீசாநின்ற தாரையாலும், அம்பொன் செய் மலரினாலும் - அழகிய பொற்பூக்களைத் தூவுதலாலும், அகிற்புகை ஆவியாலும் - அகிலிடுகின்ற நறுமணப் புகை புகைத்தலாலும், பைம்பொன் செய் பதாகையாலும் - பசிய பொன்னாற் செய்த கொடிகளாலும், பரந்திருள்பட்ட வீதி - பரவி இருண்டு போன வீதியிடத்தே, கம்பம் செய் யானை யானை- தறியிலே கட்டுதலையுடைய அரசுவாவில் வருகின்ற திவிட்டநம்பியை, கண்விளக் குறுத்த - மாதர்களின் கண்ணொளி பாய்ந்து விளக்கம் செய்தன, அன்று, ஏ: அசைகள், (எ - று.) கம்பஞ் செய் யானை - பகைவர்க்கு நடுக்கம் உண்டாக்கும் யானை எனினுமாம். பொடியினாலும், தாரையாலும், மலரினாலும் புகையாலும் இருண்ட வீதியிடத்தே வருகின்ற நம்பியின்மேல் மாதர்களின் கண்ணொளி பாய்ந்து விளக்கஞ் செய்ததென்க.
(411)

1542.	மன்னிய புகழி னான்மேல் வாங்குவிற் புருவ மாக மின்னவிர் பகழி கண்ணாப் புரிசைவெண் மாட மாகத் துன்னிய சால வாயிற் றுளைகளே துளைக ளாகக் கன்னிய ரெய்து தத்தங் கடிநகர் காவல் கொண்டார்.
(இ - ள்.) மன்னிய புகழினான் மேல் - நிலைபெற்ற புகழையுடைய திவிட்டநம்பியின் திருமேனிமிசை, புருவம் வாங்கு வில் ஆக - மகளிர்கள் தம் புருவங்களையே வளைக்கும் வில்லாகக்கொண்டு, கண் மின் அவிர்பகழியா - தம் கண்களையே ஒளியுடைய அம்புகளாகக்கொண்டு, வெண்மாடம் புரிசையாக - தத்தம் வெள்ளிய மாடங்களையே மதில் அரணாய்க்கொண்டு, துன்னிய சாலவாயிற் றுளைகளே துளைகளாக - அம்மாடத்திற் பொருந்திய காளரத்துளைகளே அம்மதிலில் அமைந்த படை விடும் துளைகளாகக்கொண்டு, கன்னியர் எய்து - மகளிர்கள் எய்து, தத்தம் கடிநகர் - தங்கள் தங்கள் கடிதடம் என்னும் நகரத்தை மட்டுமே, காவல்கொண்டார் - காவல் செய்வாராயினர், (எ - று.) கடிநகர் - கடிதடம்; அல்குல். இப்போரில், கன்னியர் தம் கடிதட மட்டுமே காவல் கொண்டனர் எனவே, அவர் மனம் கண் முதலியவற்றைத் திவிட்டக் கள்வன் கவர்ந்து போயினன் என்க.
(412)

1543.	ஆடுவா ரணங்கு கொள்வா ரார்வஞ்செய் கருவி வீக்கிப் ¹பாடுவார் கண்டு கூறிப் பரவுவார் பணிந்து முன்னாற்


(பாடம்) 1 பாடுவார் கண்டு.