(இ - ள்.) உலத்தகைய தோள் அணிகொள் மார்ப - திரள் கல்லை ஒத்த
தோள்களையும் அணிகலன் பூண்ட மார்பினையும் உடையோனே, அசோகின் மிசை -
இவ்வசோக மரத்தின் மேலே, அலத்தக அடிச்சுவடு வைத்தாள் - தனது செம்பஞ்சுக்
குழம்பூட்டப் பெற்ற அழகிய அடிச்சுவட்டைப் பொறித்தவள், நிலத்தவள் கொல் -
இம்மண்ணுலக மடந்தையோ, அன்றி நெடுமால் வரையுளாள் கொல் - அல்லளேல் நீண்ட
பெரிய மலையகத்தே வதியும் அரமகளோ, உரையென - நீ ஆராய்ந்து கூறுக என்று
வினாவ, வலத்தகையன் ஆய மணி வண்ணன் மொழிகின்றான் - வன்மைத் தகுதியிற்
பெரியோன் ஆகிய திவிட்டன் கூறுகின்றான், (எ - று.)

     மார்ப! இவ்வசோகின் மிசைச் செம்பஞ்சுக்குழம்பின் பொறியுண்டாக அடியிட்டாள்,
மண்ணுலகமடந்தையோ? வரையரமகளோ? உரை என்றான், என்ன மணிவண்ணன்
மொழிகின்றான் என்க.