:: TVU ::

1163.	நாள்வடுப் படாமை நம்மைப் புறந்தந்தாற் குதவி ¹நங்கள் தோள்வடுப் ²படாது ³தோன்றல் புகழ்வடுப் படுத லுண்டே வாள்வடுப் பிளவு போலுங் ⁴கண்ணியை மகிழ்ந்த காளை ⁵கேள்வடு்ப் படரும் பூசல் கேட்டிரா னாளை யென்பார்.
(இ - ள்.) நாள் வடுப்படாமை - வீழ்நாள்படாமல், நம்மைப் புறந்தந்தாற்கு உதவி - நம்மைக் காப்பாற்றியருளிய நம் தலைவனுக்கு உற்றுழி உதவி செய்து, நங்கள் தோள்வடுப்படாது தோன்றல் - நம்முடைய தோள்களிலே தழும்பு உண்டாகாதவாறு யாம் அவைகளிலே வந்து தோன்றுதல், புகழ்வடுப்படுதல் உண்டே - நம்முடைய புகழை அழிப்பதொன்றாயிருந்தது, வாள் வடுப்பிளவு போலும் கண்ணியை - வாளைப்போன்றும் மாவடுவின் பிளவைப் போன்றும் அழகிய கண்ணையுடைய சுயம்பிரபையை, மகிழ்ந்த காளை - புணர்ந்து மகிழ்ந்த திவிட்டனுடைய, கேள் - உறவினர்க்கு, வடுப்படரும் பூசல் - பழிவிரிதற்குக் காரணமான போர் ஆரவாரத்தை, நாளை கேட்டிர் - நாளையே கேட்கக்கடவீர், என்பார் - என்று கூறுவர், (எ - று.) கேள்வடுப்படரும் பூசல் கேளிர்களின் உடல் வடுவுண்டாவதற்குக் காரணமான பூசல் எனினும் ஆம், நாள் வடுப்படுதல் - நாள் வீணாளாகக் கழிதலாகிய மாசுபடுதல். “புரந்தார்கண் ணீர்மல்கச் சாகிற்பிற் சாக்கா டிரைந்துகோட் டக்க துடைத்துÓ (திருக்.780) என்பவாகலின், “புறந்தார்க்கு உதவித் தோள் வடுப்படாமை, புகழ் வடுப்படுதலாம்Ó என்றார், என்க.
( 33 )