(இ - ள்.) ஆழியும் அகலத்த திருவும் - அவ்வச்சுவகண்டன் செருக்குக்குக்
காரணமான ஆழிப்படையையும் மார்பின் கண்ணுறையும் திருமகளையும், வாங்கி - பறித்து,
இப்பாழியம் தோளினான் பால ஆக்கினால் - பரியவும் அழகியவும் ஆகிய
தோள்களையுடைய இத்திவிட்ட நம்பியினிடத்தே சேர்த்துவிட்டால், ஏழையும் -
அவ்வாற்றால் எளியனாகிய அவ்வச்சுவகண்டனும், பின்னர், எம்மையும் அறியும் என்றனர் -
நம்மையும் பொருளாக நன்கு அறிந்துகொள்வான் என்று கூறினர், அவர்கள் யார் எனில்,
வாழைமேல் வயிரம் கூர்த்தனைய மாண்பினார் - காழற்ற வாழை மரத்தின் மேலே
வச்சிரப்படை சினந்துமிக்காற் போன்று பகைவரைச் சினந்து புக்கழிக்கும் மறமாண்புடைய
வேந்தர்கள், (எ - று.)
அச்சுவகண்டன் ஆழியையும், செல்வத்தையும் கவர்ந்துகொண்டால் அவன் நம்மை
அறிவான், என்றார் என்க. வாழைக் காட்டை அழிக்க வச்சிரப்படை சினந்தெழுந்தாற்
போன்று சினந்தெழுந்த வீரர் என்றார் எளிதாக அழிக்கவல்லார் என்றற்கு. கூர்த்தல் -
சினத்தான் மிகுதல்.