| அழல்வேகனைத் தேவசேனன் எதிர்தல் | | 1328. | அருமாலை வேல்வல் லழல்வேக னாகு
மவனாயி லாக வமைக
எரிமாலை வேல்வ லிளையார்க ணிற்க
விவனென்னொ டேற்க வெனவே
1பொருமாலை வாள்கை பொலிகேட கத்த
னணிபோ திலங்கு முடியன்
செருமாலை மன்ன ரிறைதேவ சேன
னெதிரே சிவந்து செலவே. | (இ - ள்.) அருமாலை வேல்வல் அழல்வேகன் ஆகும் - பெறற்கரிய வெற்றி
மாலையையுடையவனும் வேற்படை கொண்டு போர் ஆற்றுதலிலே வல்லவனும் ஆகிய,
அழல் வேகன் என்னும் வீரன் போலும் ஈண்டு வருவோன், அவன் ஆயில் ஆக -
அவ்வழல்வேகனே ஆயின் நன்று ஆகுக, அமைக - எனக்கு எதிராக அவன் அமைக,
இவன் என்னோடு ஏற்க - இவ்வழல் வேகன் என்னோடு போர் ஆற்றக் கடவன், ஆதலின்
- எரிமாலை வேல்வல் இளையார்கள் நிற்க - சுடர் ஒழுங்குற்ற வேற்படை வல்லுநரான நம்
இளைஞராகிய வீரர்கள் ஈண்டே நிற்பாராக, எனவே -என்று கூறி, பொருமாலை வாளன் -
போர் செய்யும் தன்மையுடைய வாளை ஏந்தியவனாய், அணிகேடகத்தன் - அழகிய
கிடுகுடையனாய், மணிபோது இலங்கு முடியன் - மணிகளும் மலர்களும் திகழ்கின்ற
முடிக்கலனை உடையவனாய், செருமலை மன்னர் இறை - வெற்றி மாலை சூடுமன்னர்
மன்னனாகிய, தேவசேனன் - தேவசேனன் என்பான், சிவந்து எதிரே செல - சினந்து
அவ்வழல் வேகனுக்கு எதிரே செல்லா நிற்க, ( ) அழல்வேகன் - அச்சுவகண்டனைச்
சேர்ந்தவன்; தேவசேனன் - சடிமன்னன் மைத்துனன். அழல்வேகன் வருகையைக் கண்டு
தேவசேனன், இவன்றான் அழல்வேகன் என்னும் புகழ்பெற்ற வீரன் போலும், அவனாயின்
நன்று அவனோடு யானே எதிர்ப்பேன் என்று சிவந்து எதிரே வந்தான் என்க. | | ( 198 ) | | |
|
|