முகப்பு

தொடக்கம்

இதுவுமது 1381 மதிதொடு நெடுவரை 3மான விஞ்சையர் விதிபடு 4மனிசரை வெருவி மீண்டனர் அதிசய மிதுவென வலர நக்கனன் கதிர்விடு வளையெயி றுடைய காளையே.      (இ - ள்.) மதிதொடு நெடுவரை - திங்களைத் தொடுமாறுயர்ந்த நீளிய மலைகளிலே வாழும், மான விஞ்சையர் - மானம் மிக்க விச்சாதரர்கள், விதிபடு மனிசரை வெருவி - நம் விதியிலே அகப்பட்டு வாழும் எளிய மானிடரை அஞ்சி, மீண்டனர் - மீள்வாராயினர்!, இது அதிசயம் - இச்செயல் வியப்புடைத்து, என - என்று கூறி, அலர நக்கனன் - பெருகச் சிரித்தான், கதிர் விடுவளை யெயிறு உடைய காளையே - சுடருகின்ற கோரப் பற்களையுடைய கனகசித்திரன், (எ - று.)      விதிபடு மனிசர் - விச்சாதரருக்குத் திறைகொடுத்து அவருடைய ஆணையிலே அடங்கி வாழும் மனிதர் என்க.      நக்கனன் என்றதற்கேற்பக் கதிர்விடு வளை யெயிறுடைய காளை என்றார். நமது ஆணைக்கடங்கி அஞ்சிவாழும் மனிசரை யாம் அஞ்சுதல் புலி புல்வாய்க் கஞ்சினாற்போன்றதொரு வியப்புடைத்தென்பான். அதிசயம் இது என்றான் என்க. (251)

மேல்