| இது முதல் 16 செய்யுள்கள் ஒரு தொடர் | | 1391. | வெருவிமுன் னுடைந்துபோய்ப் பெயர்ந்து வேற்றவர்
ஒருவில்வா ளழுவம்வந் துந்து 1மப்படை
உரவுநீ ரிருங்கட லோதம் போந்தபின்
அரவநீர் வேலைமீ தலைப்ப தொத்ததே. | (இ - ள்.) முன் வெருவி உடைந்துபோய் - முன்னர் அஞ்சிப் புறமிட்டு ஓடிப்போய்,
பெயர்ந்து - மீண்டும், வேற்றவர் ஒருவு இல் - பகைவர்கள் நீங்காது நின்ற, வாள் அழுவம்
வந்து - வாட்போர் உடற்றும் போர்க்களத்தே புகுந்து, உந்தும் அப்படை - போர் செய்யா
நின்ற அவ்விஞ்சையர் படை, உரவு நீர் இருங்கடல் ஓதம் - மிக்க நீரையுடைய பெரிய
கடலின் அலையொன்று, அரவநீர் வேலைமீது போந்தபின் - ஒலியுடைய நீரையுடைய
கரைமீதுபோன பின், அலைப்பது ஒத்தது - மீண்டும் வந்து தாக்குதல் போன்றிருந்தது,
(எ - று.)
முன் உடைந்தோடிப் பின்வந்து போர் செய்யும் விஞ்சையர் படை கரையை
எய்தியுடைந்த அலை மீண்டு வந்து தாக்குதல் போன்றிருந்தது என்பது கருத்து.
ஓதம் - அலை. வேலை - கடற்கரை. | | (261) | | |
|
|