முகப்பு

தொடக்கம்

1394. இலைதடு மாறின பகழி யெங்கணும் சிலைதடு மாறின சிலைத்த தேர்க்குழாம் மலைதடு மாறின போல மான்றரோ தலைதடு மாறின தடக்கை வேழமே.      (இ - ள்.) இலை தடுமாறின பகழி - அம்புகள் தம் இலைகளோடு பகையம்பின் இலைகள் தாக்கித்தள்ளாடின, எங்கணும் - போர்க்களமெங்கும், சிலைதடுமாறின - வில்லொடு வில் பொருது தள்ளாடின, தேர்க்குழாம் சிலைத்த - தேர்க்கூட்டங்கள் ஒன்றோடொன்று மோதி முழங்கின, தடக்கை வேழம் - வலிய துதிக்கையையுடைய யானைகள், மான்று - போர் செய்து மயங்கி, மலைதடுமாறினபோல - மலைகள் தள்ளாடுவது போன்று, தலை தடுமாறின - தலை தள்ளாட்டம் கொண்டன, (எ - று.)      அவ்வழி, அம்புகள் தடுமாறின, விற்கள் தள்ளாடின, தேர்கள் ஆரவாரித்தன, யானைகள் மயங்கித் தடுமாறின என்க. (264)

மேல்