முகப்பு

தொடக்கம்

நம்பி நகைச்சுவையான் மகிழ்தல் வேறு 1567. பாடு பாணியி லயம்பல தோற்றி யாடி யாடிய சதித்தொழில் செய்ய| நாடி நாடி 1ந னிநன்றென நக்கான் நீடு நீடு 2மு டியானெடி யானே.      (இ - ள்.) பாடு பாணி இலயம் பல தோற்றி - பாடுதற்குரிய தாளத்திலே பல்வேறு இலயங்களையும் தோன்றச்செய்து, ஆடிஆடி - பற்பல விதம்பட ஆடி, அசதித் தொழில் செய்ய, - நகைத்தற்குக் காரணமான தொழிலை இயற்ற, நீடுமுடியால் நெடியான் ஏ - நீண்ட முடியுடைமையில் பெரியோனாகிய திவிட்டனும், நாடி நாடி - ஆடுந்தோறும் சுவை தோன்றுமிடங்களை ஆராய்ந்து உணர்ந்து உணர்ந்து, நனி நன்று என - மிக நன்று மிக நன்று என்று அவ்வப்போது விளம்பி, நீடு நக்கான் - பெருகச் சிரித்து மகிழ்ந்தான், (எ - று.)         பாடுகின்ற பொழுது தாளவகையாலே பலவேறு இலயங்களைத் தோன்றச் செய்து ஆடி ஆடி நகைப்பூட்டுந் தோறும், நம்பியும் அந் நுணுக்கங்களை நாடி நாடி நன்றுநன்றெனக்கூறி நக்கான் என்க. (437)

மேல்