முகப்பு

தொடக்கம்

1684. அணங்கனா ரகலல்கு லலைத்து மாங்கவர் சுணங்குசூ ழிளமுலை துளும்பத் தாக்கியும் வணங்குபூங் கொடியிடை வளைத்தும் வாவிவாய் அணங்குநீர்த் திரையவை 1யணைப்ப வொத்தவே.      (இ - ள்.) அணங்கனார் - தெய்வமகளிரை ஒத்த அத்தேவியரின், அகல் அல்குல் அலைத்தும் - அகலிதாய அல்குலிடத்தே மோதியும், ஆங்கு அவர் சுணங்கு சூழ் இளமுலை துளும்பத் தாக்கியும் - அவ்விடத்தே அம்மகளிருடைய தேமல்படர்ந்த இளமையுடைய முலைகள் அசையும்படி புடைத்தும், வணங்கு பூங்கொடியிடை வளைத்தும் - நுடங்குகின்ற பூங்கொடிபோன்ற நுண்ணிடையை வளைத்துத் தழீஇயும், வாவிவாய் அணங்கு நீர்த்திரை - அவ்வாவியில் உள்ள அழகிய நீரின் அலைகள், அணைப்ப ஒத்தவே- அம்மகளிரொடு கலவி செய்வனவும் போன்றன, (எ- று.)      நீர்த்திரைகள் அம்மகளிரின் அல்குலினை அலைத்தும், கொங்கை யிடத்தே அசைய மோதியும், கொடியிடைகளை வளைத்தும் கலவிசெய்யும் கணவரை ஒத்தனவென்க. (554)

மேல்