| குண்டலபுரத்துக் கோமகன் வருகை | | 1786. | நண்டுபொன் கிளைக்கு நாட னாதவன் குலத்துட் டோன்றிக்
குண்டல புரம தாளுங் குங்குமக் குவவுத் தோளான்
கண்டிகை தவழப் பூண்டு கதிர்மணி முடியின் மேலால்
வண்டுகள் பரவச் சென்று வளநகர் 1மருளப் புக்கான்
| (இ - ள்.) நண்டு பொன் கிளைக்கும் நாடன் - நண்டுகள் தம் கால்களால்
பொற்றுகளைக் கிண்டுதற்குக் காரணமான வளமிக்க நாட்டையுடையவனும், நாதவன்
குலத்துள் தோன்றி - வன்மையுடைய நாத மரபிலே பிறந்து, குண்டலபுரமது ஆளும் -
குண்டலபுரத்தை ஆள்கின்ற, குங்குமம் குவவுத் தோளான் - குங்குமச் சேறப்பிய திரண்ட
தோளையுடையவனும் ஆகிய அரசன், கண்டிகை தவழப் பூண்டு - தாழ்வடம்
ஒளிதவழும்படி அணிந்து, கதிர்மணி முடியின் மேலால் வண்டுகள் பரவ - ஒளி
மணியழுத்திய முடிக்கலன்மேலே வண்டுகள் மொய்க்கும்படி, வளநகர் மருளச் சென்று
புக்கான் - வளப்பமிக்க போதன நகரத்தார் வியப்புறும்படி போய்ச் சுயம்வர மண்டபத்தே
புகுந்தான், (எ - று.)
நாத குலத்திலே தோன்றிக் குண்டலபுரத்தை ஆளும் மன்னன் கண்டிகை
தவழப்பூண்டு வண்டுகள் பரவச் சென்று நகர் மருளப் புக்கான் என்க. நாதகுலம் ஐம்பெருங்
குலத்துள் ஒன்று. | | (656) | | |
|
|