| சுதாரை விசயனை மாலை சூட்டல் | | 1835. | மாதராள் சுதாரை வாட்கண்
மலரொடு மணிவண் டார்க்கும்
போதுலாம் பிணையல் வீரன்
பொன்வரை யகலஞ் சூழ
ஏதிலா மன்னர் வாட
2விருபுடைக் கிளைஞ ரெல்லாம்
காதலாற் களித்துச் செல்வக்
கடிவினை முடிவித் தாரே. | (இ - ள்.) மாதராள் சுதாரை - எழில் மிக்கவளாகிய சுதாரை என்பாளுடைய,
வாட்கண் மலரொடும் - வாள் போன்ற கண்ணாகிய மலருடனே, மணி வண்டார்க்கும் -
மணி நிறம் படைத்த வண்டுகள் ஆரவாரிக்கும். போது உலாம், பிணையல் - மலர் பொருந்
ிய (சுதாரையாற் சூட்டப்பட்ட) மாலையும், வீரன் - விசயனுடைய, பொன்வரை அகலம் சூழ
- பொன் மலையை ஒத்த மார்பிலே பொருந்தா நிற்ப, ஏதிலா மன்னர் வாட - பிறராகிய
அரசர் எல்லாம் மனம் புழுங்க, இருபுடைக் கிளைஞர் எல்லாம் - இருபக்கத்தும் உளராகிய
கேளிர்கள் எல்லோரும், காதலால் களித்து - அன்பாலே மகிழ்ச்சிமிக்கு, செல்வக் கடிவினை
முடிவித்தார் - செல்வ மிக்க திருமண வினையை நிகழ்த்தி முற்றுவித்தார்,
(எ - று.)
இருபுடைக் கிளைஞர் -மணமகன் மணமகளாகிய இருவருடைய உறவினர்.
சுதாரையின் கண் மலரோடே பிணையலும் விசயன் அகலஞ் சூழ ஏதிலா மன்னர்
வாட இருபுடைக் கிளைஞர் எல்லாம் களித்து மணம் முடித்தனர் என்க. | | (705) | | |
|
|