(இ - ள்.) ஒழுகிய முடையும் நீரும் - ஒழுகும் முறைமையுடைய மலமும் மூத்திரமும்;
முதல - முதலவாகிய இழிபொருள்கள், கையிகப்ப -மிகுதியாக, ஊறும் - ஊறுதற்கு இடமான,
அழுகல் - அழுகற் பண்டமாம், இ அள்ளல் யாக்கை - இந்த ஊன் சேற்றாலாய உடல்,
அகம் புறம் ஆயிற்றாயில் - உட்புறம் வெளிப்புறமாமாறு ஆய்விட்டால், கைத்தடி கொண்டு
காத்தும் - கைத்தடியை வைத்துக்கொண்டு பாதுகாத்தவிடத்தும், கவரும் கழுகொடு காக்கை
அழகுள ஆயிரச் சாதி சுழலும் மன்னோ - ஊன் கவர்ந்துண்ணும் கழுகு காக்கை முதலிய
அழகுடைய உயிரினங்கள் ஆயிரவகைகள் புறம் போகாமற் சுற்றா நிற்கும், (எ - று.)“ஊறி யுவர்த்தக்க வொன்பது வாய்ப்புலனும், கோதிக் குழம்பலைக்கும் கும்பத்தைÓ
என்றார் பிறரும். அழகுள கழுகொடு காக்கை ஆயிரச்சாதி எனக் கூட்டுக. முடை - மலம் -
முடைநாற்ற முடையதனை முடை என்றார். முடை ஊனுமாம். |