:: TVU ::

1912.	செங்கணெடு மாலே ¹செறிந்திலங்கு சோதித் ²திருமுயங்கு மூர்த்தியாய் ³செய்யதா மரையின் அங்கணடி ⁴வைத்தருளு மாதியா யாழி அறவரசே ⁵யென்றுநின் னடிபணிவ தல்லால் எங்கணிட ⁶ரகலுமா றிந்திலைமை யெய்தி இருளுலக நீக்குமரு டருகநீ யென்று வெங்கணிரு வினையை⁷ யற வென்றாய்முன் னின்று விண்ணப்பஞ் செய்யும் விழுத்தகைமை யுண்டோ.
(இ - ள்.) செங்கண் நெடுமாலே - சிவந்த கண்களையுடைய நெடிய மாலே, செறிந்து இலங்கு சோதி - நெருங்கி விளங்குகின்ற ஒளியையுடைய, திருமுயங்கு - திருமகள் தழுவுகின்ற, மூர்த்தியாய் - உருவையுடையவனே, செய்ய தாமரையின் - சிவந்த தாமரை மலரின்கண்ணே, அங்கண் அடி வைத்தருளும் - அழகிய எம்கண் போன்ற திருவடிகளை வைத்தருள்கின்ற, ஆதியாய் - ஆதியாகிய இறைவனே, அறஆழி அரசே - அறவாழியை யுடைய வேந்தனே, என்று - என்றின்னோரன்ன நின்திருப் பெயர்களை இயம்பி, நின் அடிபணிவதல்லால் - உன்னுடைய திருவடிகளை வணங்குவதே அல்லாமல், எங்கண் - எம்மிடத்தே உள்ள, இடர் அகலுமாறு - பிறவித்துன்பம் அகன்று போம்படி, இந்நிலைமை எய்தி - இந்தநிலையிலே எம்பால் எழுந்தருளிவந்து, நீ - தேவதேவனாகிய நீ, இருள் உலகம் நீக்கும் அருள் தருக என்று - மயக்கமுடைய இவ்வுலகத்தே எய்தும் பிறப்பை ஒழிக்கவல்ல உனது திருவருளைத் தந்தருள்க என்று வேண்டி, வெங்கண் இருவினையை - தறுகண்மையை உடைய இருவகை வினைகளையும், அற வென்றாய் முன்நின்று - முற்றும் வென்றொழித்த உனது முன்னே நின்று, விண்ணப்பம் செய்யும் - வேண்டுகோள் செய்தற்குரிய, விழுத்தகைமை - பெருஞ்சிறப்பு, உண்டே - எம்மிடத்தே உளதேயோ, (இல்லை என்றபடி)
(802)