:: TVU ::

ஏற்பவர்க்கு ஏற்ற குணம்
1994.	துறவி யடக்கை ¹பிறர்க்குநன் றாற்றல் உறவினர்க் கோம்புதன் மெய்த்தலைப் பாடென் றறிவ ரறைந்தாங் கறைந்தனன் றானங் குறைவில னேற்பவற் கேற்ற குணனே.
(இ - ள்.) துறவி - துறவுடைமை, அடக்கை - அடக்கமுடைமை, பிறர்க்கு நன்று ஆற்றல் - பிறர்க்கு இனிய செய்தல், உறவினர்க்கு ஓம்புதல் - சுற்றத்தாரைப் பேணல், மெய்த் தலைப்பாடு - மெய்யுணர்தலிற் றலைப்படுதல், என்று அறிவர் அறைந்தாங்கு அறைந்தனன் - எனச் சான்றோர் - கூறியவாறே யான் உனக்குக் கூறாநின்றேன், தான் அங்கு உறைவிலன் - ஈவோனிடத்துத்தான் சென்று உறைதலிலனாய், ஏற்பவற்கு - இரப்பவனுக்கு, ஏற்ற குணனே - தகுந்த குணங்களை, (எ - று.) துறவி - துறவு. இரப்பவன் துறவு முதலிய குணங்கள் உடையனாதல் வேண்டும் என்பதாம்.
(884)