| புகழ்ச்சி நிகழ்வு | | 2012. | ஆற்றல் வகையா லருந்தவ மேற்கொண்டு
நோற்று நுனித்த லொழுக்கந் தலைநிற்றல்
போற்றி யுரைத்தல் புகழ்ச்சி 1நிகழ்விஃ
தேற்று மிருவிசும் பீர்மலர்த் தாரோய்.
| (இ - ள்.) ஆற்றல் வகையால் - தவம் ஆற்றுதற்கென ஆகமத்திற் கூறப்பட்ட
வகையாலே, அருந்தவம் மேற்கொண்டு - செயற்கருந் தவவொழுக்கத்தை மேற்கொண்டு,
நோற்று - நோன்பாற்றி, நுனித்தல் - மெய்யுணர்தலும், ஒழுக்கந்தலைநிற்றல் -
நல்லொழுக்கத்தில் வழுவாது நிலைத்தலும், போற்றி உரைத்தல் - தோத்திரபாகுடத்துட்
கூறுமாற்றானே இறைவனைப் புகழ்ந்து பாடுதலும் ஆகிய இவைகள், புகழ்ச்சி நிகழ்வு இஃது
- இப்புகழ்ச்சி நிகழ்வுடைமை யானது, ஈர்மலர்த்தாரோய் - ஈரமுடைய மலர்மாலையணிந்த
மன்னனே, இருவிசும்பு ஏற்றும் - அமரருள் உய்க்கும்,
(எ - று.)
தம் மாற்றற்கேற்ற வகையானே தவவொழுக்கை மேற்கொண்டு நோற்றலும்
மெய்யுணர்தலும் ஒழுக்கமுடைமையும் கடவுள் வழிபாடு செய்தலும் புகழ்ச்சி நிகழ்வாம் என்க. | | (902) | | |
|
|