(இ - ள்.) மன்னுநீர் வளாகம் எல்லாம் - நிலைபெற்ற நீர் சூழ்ந்த
உலகங்களையெல்லாம், வணங்குதல் வல்லீர் ஆய - வணங்கச் செய்வதில் ஆற்றல்
மிகுந்தவர்களாகிய, பன்னும் நூற் புலவீர் - புகழ்பொருந்திய அறநூல்களை யுணர்ந்த
அமைச்சர்காள் முன்னர் - உங்கட்கு முன்னே, பல பகர்ந்து உரைப்பது என்னை - நான்
பலவாறு கூறுவதால் யாது பயன்? என்னை நீர் இறைவன் ஆக்கி - என்னை நீங்கள்
அரசனாகச் செய்து, இராப்பகல் இயற்ற அன்றே - இரவுபகல் அரசாட்சியை நடத்துவதினால்
அல்லவோ, இன்னநீர் இன்பவெள்ளம் - இத்தன்மை பொருந்திய உயர்ந்த அரசாட்சியின்பப்
பெருக்கை, யான் இயைந்து உயர்ந்தது என்றான் - நான் அடைந்து சிறந்தேன் என்று
கூறினான் (எ - று.)

இரவும் பகலும் ஆகிய எப்பொழுதுமே என்னை நீயிர் போற்றி வருகின்றீர், யானோ
அவ்விரு பொழுதும் உங்கள் அருளால் இன்பமே எய்துவதல்லால் அரசியலால்
வருந்துன்பம் ஒரு சிறிதும் அறிந்திலேன் என்று புகழ்ந்தவாறு.