| (இ - ள்.) சங்கு உடைந்தனைய தாழைத் தடமலர்த் தொடையலான் - சங்கு
உடைபட்டாற்போல் மலருகின்ற தாழையின் பெரிய பூவாற் கட்டப்பெற்ற மாலையையுடைய
சுவலனசடியரசன், கொங்குடை வயிரக்குன்றின் - தேனிறாலை யுடைய வயிரமணியாலியன்ற
மலையின்மீது, கொழுஞ்சுடர் விளக்கிட்டாங்கு - மிகுந்த ஒளியையுடைய விளக்கை யேற்றி
வைத்தாற்போல, நங்குடி விளங்கவந்த - நமது வழிமுறையானது விளங்குமாறு பிறந்துள்ள, நங்கைதன் நலத்திற்கு ஒத்தான் - சுயம்பிரபையினுடைய அழகிற்குத் தகுந்தவனாக, தங்குடி
விளங்கநின்ற தன்மையான் - தனது குடியானது சிறப்படையுமாறு பிறந்திருக்கும்
பெருமையை யுடையவன், எவன்கொல் என்றான் - யாவனோ என்று கேட்டான். (எ - று.) சுயம்பிரபை மிகுந்த சிறப்புடையாள் என்பதை அரசன் முன்னீரண்டடி களால்
பெறவைத்தான். கொங்கு-தேன்; ஈண்டு தேனிறாலுக்கு ஆகுபெயர். தனது குடியை விளக்கப்
பிறந்தவள் என்பான் குன்றின் கொழுஞ்சுடர் விளக்கிட்டாங்கு என்று உவமை
எடுத்தோதினான். குலப்பெருமை குறிப்பான் வயிரக்குன்றின் உவமை கூறினான். |