(இ - ள்.) மன்னர் நீள்முடி - பணிகின்ற அரசர்களுடைய நீண்ட முடியின்,
மென்மணித் தொத்து ஒளி - மெல்லிய மணித்திரளின் ஒளியானது, துன்னு சேவடியாற்கு -
பொருந்திய சிவந்த அடிகளையுடையவனாகிய சுவலனசடியரசனுக்கு, சுருங்கவே -
சுருக்கமாகவே, பன்னுகேள்விப் பவச்சுதன் சொல்லலும் - ஆராய்ந்தறிந்த நூற்
கேள்வியையுடைய பவச்சுதனானவன் முற்கூறியவாறு கூறுதலும், எல்லார்களும் - அங்கிருந்தவர்களனைவரும், அன்னதே என்று - அவ்வாறே செய்யத்தக்கது என்று, ஒட்டினார் - உடன்பட்டார்கள், (எ - று.)

பவச்சுதன் பகர்ந்தவைகளைக் கேட்டு மற்றைய அமைச்சர்கள் உடன்பட்டனர் என்க.