(இ - ள்.) போகம் மாண்ட - பலவகைப் போகங்களினாலும் சிறப்புப் பொருந்திய,
இச் சேடியோர் பொன்னகர்க்கு - இந்த வித்தியாதரர்களுடைய நகரங்களுள் ஒன்றாகிய
சுரேந்திரகாந்தம் என்னும் நகர்க்கு, ஏக நாயகனாய் - தான் ஒருவனே தலைவனாக, இனிது
ஆள்பவன் - இனிமையாக அரசாட்சி செய்பவன், வீழ்மத வேக மால் களிறுமிகு - சொரியா
நின்ற மதத்தையும் சினத்தையுமுடைய பெரிய களிற்று யானைகளை மிகுதியாக
உடையவனும், வேலினான் - வேற்படையையுடையவனும், மேகவாகனன் என்றுஉளன் -
மேகவாகனன் என்னும் பெயரையுடையவனுமாகிய ஒருவன் இருக்கிறான்,
(எ - று.)
பொன்னகர் - ஈண்டுச் சுரேந்திரகாந்தம் என்க. களிறும் என்புழி உம்மை : இசைநிறை.