(இ - ள்.) மண்கனி முழவச் சீரும் - மார்ச்சனை பொருந்திய முழவு முதலிய
ஒலிக்கருவிகளின் சிறப்பையும், மடந்தையர் - மங்கையர்களின், தூக்கும் பண்கனி
ஆடல்பாடல் பாணியும் - தாளத்தின் அமைதி பொருந்திய இசையொடுகூடிய ஆடல்பாடல்
வகையையும், பயின்று மேவான் - விரும்பி மனஞ் செலுத்தமாட்டான், விண்கனிந்த
அனைய இன்பவெள்ளமும் வெறுத்து நின்றான் - விண்ணுலக இன்பமே மிகுந்து சிறந்தாற்
போன்ற இன்பப்பெருக்கையும் ஒதுக்கியிருக்கின்றான், கண்கனி உருவக்காளை - கண்ணிற்கு
இன்பந்தரும் பேரழகு படைத்த உருவத்தையுடைய இளையோன், கடவுளர் தகையன்
கண்டாய் - கடவுளர்களைப் போன்ற தன்மையை உடையவன் அறிந்து கொளிவாயாக
(எ - று.)

விச்சுவன் பெண்களின் ஆடல்பாடல்களிலும் இன்பத்திலும் உள்ளஞ் செலுத்த மாட்டான்.
கடவுளர் தன்மையை உடையவன் என்றபடி.