(இ - ள்.) வாமம் மேகலை முதல் நின்று - இம்மகளிருடைய அழகிய மேகலை
அணியின் அடிப்பகுதியிலிருந்து, வயிற்றிடை - வயிற்றின் நடுவிடத்தே, வளர்ந்த -
வளர்ந்துள்ள, சாமம் - கரிய, லேகைகள் - கோடுகள், மயிர்நிரை அல - மயிர் ஒழுங்கல்ல,
தலமீது - அல்குற்றடத்தின்மீது, காம நீர் எரி - காம நீர்மையுடையதொரு நெருப்பு,
அகத்தது - உள்ளிடத்தே அமைந்தது, கனன்றெழ - பற்றிஎழாநிற்ப, நிமிர்ந்த - அந்
நெருப்பின்கண்ணிருந்து உயர்ந்தெழுந்த, தூம லேகைகள் - புகையினாலாய கோடுகள்,
பொடித்தன - முளைத்தன, துணை முலையுற - இரண்டாகிய முலையினை
அடைதற்பொருட்டு, (எ - று.)

இம்மகளிரின் வயிற்றிற் றோன்றும் கரியகோடு இவர் அல்குலகத்தே யிருந்து கனலும்
காமத்தீயின் புகை முலையினை எய்தச் செல்லுதலால் ஆகிய புகைக்கோடு என்பதை
அறியார், மயிர்க்கோடு என்பர் என்பதாம்.