(இ - ள்.) ஆங்கு எழில் பொலிந்தவன் இருந்தபின் - அப்புட்பமாகரண்டப்
பூங்காவிலே அழகிற் சிறந்து விளங்குபவனாகிய மரீசியானவன் நிலா நிழற்கல்லிலே
அமர்ந்திருந்த பிற்பாடு, அலங்குதார் - அசைகின்ற மாலையினையும், வீங்கு எழில் -
மிகுந்த அழகையும், பொலிந்ததானை - விளங்குகின்ற படையையுமுடைய, வேந்தன் ஏவ -
பயாபதி மன்னன் விஞ்சையர் தூதுவனாகிய மரீசியை அழைத்து வருமாறு கட்டளையிட,
வீவு இல்சீர் - அழிதலில்லாத சீர்த்தியையுடைய, பூங்கழல் பொலங்குழைத் திவிட்டனோடு -
அழகிய வீரக்கழலையும் பொன்னினால் ஆகிய காதணியையும் அணிந்த திவிட்டனோடு,
சங்கவண்ணன் - சங்கின் நிறம்போன்ற வெண்ணிறத்தையுடைய விசயன், போர்க்கதம் -
போர்செய்யுந் தன்மையுள்ள சினத்தைக் கொண்டதும், தாங்கு எழில் பெருங்கையானை
ஏறினான் - மிகுந்த அழகையும் பெரிய கையையுமுடையதாகிய யானைமீது ஏறினான்.
(எ - று.)
மருசியை அரண்மனைக்கு அழைத்துச் செல்லும்பொருட்டு விசய திவிட்டர்கள் புறப்பட்டு
வருதல் இதில் குறிக்கப்படுகிறது.