(இ - ள்.) கண்நிலாம் கவின் ஒளிக் காளைமார் திறத்து - காண்போர் கண்ணில்
நின்றுநிலவும் அழகொளியையுடைய இளைஞர்களாகிய விசயதிவிட்டர் பொருளாக;
உள்நிலாம் எழுதரு காம ஊழ் எரி - தம் உள்ளத்தே தோன்றி எழுகின்ற காதலாகிய
ஊழித் தீயானது; எண்இலாச் சுடர் சுட விரிந்தும் - கணக்கற்ற சுடர்களைக்கொண்டு
சுடுமாறு பரவியெழுந்தும்; நாண் விடா - வெட்கத்தினை விடாத; பெண்ணலால் உயிர்
பெரியது - இப்பெண் களின் உயிரினும் சிறந்த உயிர்; பிறிது இல்லை - மற்றொன்றில்லை.
(எ - று.)

விசய திவிட்டர்களிடத்திலே மங்கையர்க்கு உண்டாகிய காமத்தீயானது மிகுதியாகப்
பரவியெழுந்தும் அம்மங்கையர்கள் தங்கட்குரிய நாணத்தினை விடாமலே உயிரினைத்
தாங்கியிருக்கின்றனர். இதனால் அம்மங்கையரது மனத்திண்மையுங் கற்புநலமும் எளிதிற்
புலனாம்.