| (இது தொடங்கி எட்டுச் செய்யுள் ஒருதொடர்) குளகம்.
(இ - ள்.) இளர்ஒளி மாடக்கோயில் - ஒளிவீசும் மாடங்களையுடைய தன்
அரண்மனையின்கண், கின்னரர் கெழுவல் ஓவா - கின்னரர்கள் வந்து நெருங்குதலை
ஒழியாத, வளர் ஒளி வயங்கு தோன்றல் - வளர்கின்ற புகழாலே திகழ்தலுடைய பெரியோன்,
வருத்தமானத்து மன்னன் - வருத்த மானம் என்னும் நாட்டினை ஆளும் அரசனும்,
உளரொளி உமிழும் பூணான் - சலித்தற்றன்மையுடைய ஒளிவீசும்
அணிகலன்களையுடையவனும், பிரீதிவர்த்தனன் என்று ஓதும் - பிரீதிவருத்தனன் என்று
புகழ்ந்து கூறப்படுபவனும், தளிர் ஒளி தயங்குமேனி - தளிர்போன்ற ஒளிதிகழும்
திருமேனியை உடையவனும், தாமரைச் செங்கணானும் - செந்தாமரைபோலச் சிவந்த
கண்களையுடையவனும். ஒளிமேனியையும், செங்கண்ணையும், பூணையும், கின்னரர் கெழுவ லொழியாத
கோயிலையும், உடைய வருத்தமானத்து மன்னனாகிய பிரீதி வருத்தனனும், என்க. |