(இ - ள்.) காதலார் திறத்து - காதலாரிடத்தே, காதல் ஆக்கிய காதலாரை -
அக்காதலைத் தோற்றுவித்த காதலரை, ஏதிலார்போல நோக்கின் - (காதல் தோற்றப்பட்ட
காதலார்,) அயலார்போல் வைத்துக் காணப்புகின், இருமடங்காக எய்தும் - அப்போது
அக்காட்சியால் அந்நோய் இருமடங்கு மிகாநின்றது, ஆதலால் - அந்நோயின்றன்மை
அங்ஙனமாதலால், போதுலாம் சிலையினான்றன் - மலரம்புகள் பயிலும் கருப்புவில்லியாகிய
மதவேளினது, பொருகணைக்கு - போர்அம்பிற்கு, இலக்கம் செய்யும் - இலக்கம் ஆக
ஆக்கிவிடுகின்ற, காமநோய்க்கு - காமம் என்னும் பிணிக்கு, ஓர் அருமருந்து இல்லை -
அக்காதல் ஆக்கினார் மருந்தாதலின்றி வேறாக ஒரு மருந்துதானும் இல்லை, அன்றே :
அசை, (எ - று.)

இலக்கம் - இலக்கு மரம்; அம்பெய்து பயில்தற்பொருட்டு நடப்படும் முருக்கமரம்.

“மருந்து பிறிதின்மைநற் கறிந்தனை சென்மே“ (நற். 247)
“மருந்து பிறிதில்லையவர் மணந்த மார்பே“ (குறுந்.68 -4)
“மருந்து பிறிதின்மையின் இருந்துவினை யிலனே“ (அகம்-147)
“மருந்திற் றீராது,,, நீதரவந்த நிறையழி துயரம்“ (நம்பி-சூ.127 மேற்.)

என வருவனவற்றாலும் இக்கருத்தை அறிக.