மேலும் அத்திருமால் விடாமல் அந்நதிசேர்கின்ற காஞ்சியில்
கரைபோலக் கண்வளரப் படுத்துக் கிடத்தல் வெண்ணிறமுடைய சரசுவதி
முன்னே பார்த்து மிகப்பெரிய நாணத்தால் தலையைச் சாய்த்து அந்தத்
தென்திசையினின்றும் நீண்ட தொலைவில் மிக விலகி,

     அன்ன-அந்த என்னும் சுட்டுப் பொருளில் முன்னும் வந்தது;

     பிரமனுக்கு வாழ்க்கைத் துணைவியாகிய சரசுவதி யாகஞ் செய்கின்ற
இடத்திற்குக் கிழக்குப் பக்கத்திற் பரவிக் கடலை நோக்கி விரைந்தனள்.
பிரமன் தாழ்வு நீங்கி உயர்ந்தனன். சிவபிரான் திருவுளமுவந்து
சூழுஞ்சிவகணங்களொடும் திருமாலின் எதிர் தோன்றி அருள் செய்வான்.

     மாயன்-கரிய நிறமுடையோன் (பரி.3.2) உகப்பே உயர்வு (தொல்.சொ.)
தலைவன்-யாகபதி.

மாலும் நதியும் வண்பெயர் பெறுதல்

அறுசீரடி யாசிரிய  விருத்தம்

     சொன்ன வண்ணம் செய்தமையால் நீ சொன்ன வண்ணஞ் செய்த
பெருமாள் என்று எந்நாளும் உயர்க. இந்தத் தெய்வத் தன்மையுடைய
பெருநதி மிகும் வலிய வினை எவற்றையும் அழிக்கும் வேகவதி நதியென
இந்நிலத்தினில் ஏற்றமுற்றுத் தன்கண் மூழ்குவோர்க்கு இன்ப வாழ்வினை
அருள் செய்க.

     சொன்ன வண்ணம் செய்த பெருமாள் எனினும் யதோக்தகாரிப்
பெருமாள் எனினும் ஒக்கும்.